Më 31 maj 2026, rreth orës 19:45, zyrtarë policorë nga SPB Tetovë kanë privuar nga liria personin E.S. (21) nga fshati Bogovinë.
Ngjarja ka ndodhur në fshatin Pallçisht i Poshtëm. Sipas raportit të policisë, i dyshuari, pasi ka vërejtur patrullën e policisë, ka hedhur një qese me marihuanë në përpjekje për të shmangur kapjen.
Policia ka gjetur dhe konfiskuar qesen me lëndë narkotike. Personi është mbajtur në stacionin policor dhe pas dokumentimit të plotë të rastit, ndaj tij do të vijojë parashtresë përkatëse ligjore.
