За време на посетата на општина Витина, кандидатот за премиер од Демократската партија на Косово (ПДК), Бедри Хамза, упати остри критики кон приоритетите на актуелната власт.
Хамза оцени дека Витина има голем потенцијал, но останува запоставена во поглед на основната инфраструктура. Тој истакна дека оваа општина сè уште не е соодветно поврзана со автопатот „Арбен Џафери“, инвестиција која според него е неопходна и доцни со реализацијата.
Покрај инфраструктурните прашања, Хамза се осврна и на економските тешкотии со кои се соочуваат косовските семејства. Тој ја обвини актуелната власт дека бара апсолутна моќ и поттикнува политички конфликти, наместо да се занимава со растот на цените и благосостојбата на граѓаните.
„Граѓаните ги бројат центите за да го преживеат месецот, додека владата се занимава со изборни калкулации и мисли само на гласовите“, изјави Хамза. Тој додаде дека Косово повеќе нема време за губење и дека граѓаните очекуваат конкретни решенија за нивниот секојдневен живот.
