Турската фудбалска репрезентација официјално замина за Соединетите Американски Држави, каде ќе учествува на претстојното Светско првенство. Заминувањето на тимот беше проследено со извонредна атмосфера, при што голем број навивачи излегоа по улиците на Истанбул за да им дадат поддршка на играчите.
На социјалните мрежи станаа вирални импресивни снимки од Босфорскиот мост, каде колоната со фудбалерите беше придружувана од илјадници фанови. Овој потег уште еднаш ја потврди огромната страст на турската јавност кон фудбалот.
Турција го обезбеди своето место на Мундијалот по успешните квалификации. Клучен момент во нивниот пат до Светското првенство беше минималната победа од 1-0 против Косово на стадионот „Фадил Вокри“, резултат кој се покажа како пресуден за пласманот.
Во групната фаза од турнирот, Турција ја очекуваат големи предизвици. Тие ќе се натпреваруваат во група со селекциите на Австралија, Парагвај и домаќинот на првенството, Соединетите Американски Држави.
